Munduko umeak

Denak dira berdinak!

ni�os del mundo

View more presentations from artdata.

Lotsagarria

Haurren esplotazio laborala, onartu ezin daitekeen errealidadea

Hirugarren munduko herrialdeetan, laboralki esplotatuak izaten diren haurren kopuruaren hazkundea izugarria da gaur egun.

Asia hegoaldean, 100 milioi haur baino gehiago daude lan neketsuak egiten eta horietariko %20ak egunero 13 orduz aritzen dira, hilabetero 15-20 euro besterik ez irabazteko.

Hego Amerikan ordea,  5 eta 16 urte tarteko 17 milioi haurrek lan egiten dute, haien soldata, familia osoko soldataren %20 suposatzen duelarik.

Guzti hau kontuan hartuta, umeen eskulana helduena baino hiru aldiz merkeagoa da eta horrek, biztanleria heldu aktiboa langabezian egotea ekartzen ari da. Bestalde, lan egiten duten ume hauek ez dira eskolara joaten. Guzti horrek, atzeratua den herrialdea, garapena izan dezan oztopatzen du.

Gainera, haur hauek lan egiten duten baldintzak penagarriak dira, ez baitago inolako segurtasunik ez higienerik. Arrisku konstantean daude tuberkulosia, anemia, ultzerak, arnas arazoak eta absezuak bezalako gaitzak hartzeko.

Enpresa handiek irabazi asko lortzen dituzte eskulan merke honekin, produktuaren ekoizpena gero eta merkeagoa izanda, irabazia handiagoa izango baita. Nike zapatilen enpresa honetarako adibide bikaina da.

INTERVIDA fundazioak, herrialde aurreratuetako biztanleria kontzientziatzeko nahiarekin jarduten du. ONG laikoa, apartidista eta independientea da. Nazio Batuen Kontseilu Ekonomiko eta Sozialean estatus kontsultibo berezia izatean lortu du eta bere helburua, munduko herrialde kaltetuenetako ume eta familien egoerak hobetzea da. Horretarako, hainbat proiektu garatu dituzte Perun, Bolivian, Guatemalan, El Salvadorren, Indian, Bangladeshen eta Malin.

Gaur egun, Estatu Espainoleko 260.000 familia inguruk apadrinazioaren bidez herrialde hauetako familiak laguntzen dituzte, baina INTERVIDAren ustetan, haurren esplotazio laborala, enpresen esku dago. Hau da, enpresek, kontrol handiagoa izan beharko lukete, Hirugarren Munduan haur eskulanaz ekoiztu den edozer salmentan ez jartzeko.

Hala ere, ez du pisu guztia enpresen gain jartzen. Herritarrok ere badaukagu zerezana gai honetan. Guk ez bagenitu produktu hauek erosiko eta haien kontrako jarrera erakutsiko bagenu, onura handia ekarriko genioke ume ustiatu horiei. Horregatik, ONG honek, kontzientziazio lan handia egiten ari da herrialde aurreratuetako jarrera kontsumistan.

"El SIDA también es cosa de niños"

Minuturo ume bat hiltzen da munduan HIESa edo honek sorturiko gaixotasunengatik. Azkeneko irkerketen arabera, 2,6 milioi ume daude HIESaz kontagiatuta eta egunero zenbaki hau gorantza doa.

Horregatik, Unicef-ek eta Bartzelona Futbol Taldeak "El SIDA también es cosa de niños" kanpaina kaleratu dute. Orain dela 5 urte, elkar kolaborazioaren bitartez gai honen kontra egiteko akordiora iritsi ziren eta aurten ere, bete egin dute. Iniziatiba honekin, gizartea kontzientziatu nahi da, HIESa eta GIBa umeek ere sufritzen duten gaitza dela ohartaraziz, batez ere Afrika Subsaharianoan.

Abenduaren 29an jarri zen martxan kanpaina hau eta gaur, abenduak 1, HIESaren Kontrako Mundu Egunarekin bat etorriz, hainbat ekitaldi eta aktibidade burutuko dira kanpaina honetako irudia bihurtu denaren inguruan, Dubu hartzatxoa.

Kanpaina honek dauzkan gauza interesgarri askoren artean, web orri bat  ere gehitzen zaio. Bertan, umeek, HIESak hartzaroan daukan eragina ikusi eta ikasi ahal izango dute, beti ere, modu dinamiko batean.

Iiniziatiba honek proposatzen duen konponbideetako batzuk, prebentzio politika eraginkorra, landagune eta gune txikietarainoko irispideak eta garapenerako bidean dauden lurraldeetako osasun sistemen kalitatearen errefortzua direla esan beharrekoa da. Hiru neurri hauekin, HIESaren eta GIBaren prebentzioa eta gaixotasunaren tratamendua posible izango zen gaur egungo gaixoen egoera asko hobetuz eta etorkizunean gaixotzea prebenituz.

Gaixotasunaren hedaduraz ohartzeko, aipatzekoa da, testu honen lehenengo esaldia egia izanez gero, artikulu hau idatzi dudan bitartean 30 ume hil direla.

Mapa Kontzeptuala

"Ikasketa prozesuaren erronka ezagutzaren gizartean" testuaren hausnarketa

Industria gizartetik gaur egungo ezagutzaren gizartera igarotzearen arrazoi nagusiak globalizazio prozesua, informazioaren eta komunikazioaren teknologien eragina eta ezagutzaren administrazioa dira.

Gaur egungo ezagutza gizarte honetarako, beharrezkoa da alfabetatze digitala, hau da, pertsonak gai izan behar dira informazioa ezagutza bihurtzeko. Informazioaren sailkapen eta aukeraketa egokia egiteko gai izan behar dira eta hau non aurkitu jakin behar dute. Informazio hori ezagutza nola bihurtu jakin behar dute eta hau aurkezteko eta kudeatzeko modua asmatu. Honetarako baliagarriak diren aplikazio ugari Web 2.0-n aurki daitezke.

Web 2.0, indibiduoa informazio kontsumitzaile soila izatetik, sortzaile izatera pasatzeko aukera ematen duen plataforma da. Parte hartzea, informazio elkartrukaketa edota berrerabilpena, eta jarrera aktiboa sustatzea da plataforma honen helburu nagusia, horretarako, Google Docs, posta, blog-ak, etab. bezalako aplikazioak eskaintzen ditu. Aplikazio hauen bi abantail nagusi, dohakoak eta erabiltzeko errazak direla dira. Gainera, software irekiak erabiltzea sustatzen du.

E-learning-ak edo Web 2.0-ren kontzeptua hezkuntzan aplikatzeak, abantailak ekarri ditu zalantzarik gabe. Hala nola, ezagutza berria sortzea eta ikaskuntza-komunitateak sortzea.

Horizon txostenaren bidez, urte bat, bi eta bost urteren epeetan emango diren aldaketen azterketa egiten da. 2008.urteko txostenean, jada hainbat lekutan erabiltzen diren oinarritik ekoitzitako bideoak eta lankidetza sareak aurreikusi ziren.

Hori guztia dela eta, gaur egun hezkuntzak daukan papera oso funtzeskoa da. Indibiduoa  prestatu behar du ezagutza gizartean moldatu ahal izateko. Horregatik, formakuntza hau hezkuntza sisteman barneratu beharko da eta baita helduentzako hezkuntzan ere, lan munduak dauzkan premiak asetzen ikasteko.

Umeak

Umeak munduan

Sarrera hau froga bat egiteko besterik ez da